79

ໃນເມື່ອກ່ອນບຸກຄົນທີ່ມີອຳນາດໃນລະດັບໂລກ ສ່ວນຫຼາຍແມ່ນເພດຊາຍ ແຕ່ມາເຖິງຍຸກສະໄໝນີ້ ທຸກເພດມີສິດເທົ່າ ທຽມກັນໃນຫຼາຍດ້ານ ຊຶ່ງເປັນສິ່ງຊຸກຍູ້ສໍາຄັນໃຫ້ແມ່ຍິງມີສ່ວນຮ່ວມຂັບເຄື່ອນຢູ່ໃນ ສັງຄົມ ແລະ ເລີ່ມມີບົດບາດສູງເດັ່ນຂຶ້ນ ໃນລະດັບສາກົນ. ດັ່ງທ່ານນາງ ອັງເກລາ ແມເຄີ ນາຍົກລັດຖະມົນຕີຍິງຄົນທຳອິດ ທີ່ສາມາດຄອງໃຈປະຊາຊົນເຢຍລະມັນ ໄດ້ຫຼາຍສະໄໝ. ພິເສດ ທ່ານຍັງໄດ້ຮັບ ການຈັດອັນດັບເປັນແມ່ຍິງຜູ້ມີອິດທິພົນລະ ດັບໂລກ ໂດຍວາລະສານຟັອບ (Forbes) ຕໍ່ເນື່ອງກັນເຖິງ 6 ປີຊ້ອນ.

ທ່ານນາງ ອັງເກລາ ໂດໂຣເທຍ ແມເຄີ (Angela Dorothea Merkel) ເກີດເມື່ອປີ 1954 ທີ່ເມືອງຮຳບູກ, ປະເທດ ເຢຍລະມັນ ເກີດໃນຄອບຄົວນັກບວດ-ປັນ ຍາຊົນ. ທ່ານຈົບການ ສຶກສາລະດັບປະລິນ ຍາເອກ ສາຂາວິຊາຟີຊິກສາດ ທີ່ມະ ຫາວິທະຍາໄລໄລຟຊິດ. ທ່ານກ້າວເຂົ້າສູ່ເສັ້ນ ທາງການເມືອງ ປີ 1990 ໂດຍມາເປັນສະມາຊິກພັກສະຫະພາບຄິດສະຕຽນ ປະຊາທິປະໄຕ (Christian Democrat Union ຫຼື CDU). ມາຮອດປີ 2000 ທ່ານນາງ ແມເຄີ ໄດ້ຮັບເລືອກ ເປັນເລຂາ ທິການພັກ CDU ຊຶ່ງການດຳລົງຕຳແໜ່ງນີ້ຕ້ອງໄດ້ ຜ່ານຫຼາຍຂໍ້ທົດສອບ ເຊັ່ນ: ຄວາມເຄັ່ງຄັດ ໃນສາສະໜາກາໂຕລິກ ຊຶ່ງເປັນສາສະໜາທີ່ໃຫ້ຄວາມສຳຄັນກັບຄອບຄົວຫຼາຍ, ແຕ່ໃນເວລານັ້ນ ທ່ານນາງ ແມເຄີ ຢູ່ໃນສະຖານະຢ່າຮ້າງ ເຖິງແມ່ນ ວ່າເວລາຕໍ່ມາ ທ່ານໄດ້ແຕ່ງງານຄັ້ງໃໝ່ກໍຕາມ. ລວມເຖິງ ເລື່ອງສ່ວນຕົວ ເຊັ່ນ: ການແຕ່ງຕົວ ຊຶ່ງທ່ານມັກຈະຖືກຕຳນິວ່າ ເປັນແມ່ຍິງທີ່ບໍ່ມັກແຕ້ມແຕ່ງ ແລະ ໃສ່ຊຸດສູດທີ່ເກົ່າໆ. ບັນຫາດັ່ງກ່າວ ທ່ານສາມາດຜ່ານພົ້ນມາໄດ້ດ້ວຍ ຄວາມສາມາດເປັນ ສິ່ງພິສູດ. 5 ປີ ຕໍ່ມາທ່ານນາງ ແມເຄີ ໄດ້ຮັບເລືອກເປັນນາຍົກລັດຖະມົນຕີຍິງຄົນທຳອິດຂອງເຢຍລະມັນ.

      ຈາກຜົນການສຳຫຼວດຄວາມເຫັນຂອງປະຊາຊົນ ຊີ້ໃຫ້ເຫັນວ່າ: ມີປະຊາຊົນ ກວມຈຳນວນ 76% ທີ່ຮູ້ສຶກເພິ່ງພໍໃຈໃນ ລັດຖະບານຂອງທ່ານນາງ ແມເຄີ ຊຶ່ງເປັນ ລະດັບຄະແນນທີ່ສູງກວ່ານາຍົກລັດຖະ ມົນຕີຊາຍ ທັງ 7 ທ່ານ ທີ່ເຄີຍດຳລົງຕຳ ແໜ່ງກ່ອນໜ້ານີ້ ແລະ ເປັນລະດັບຄວາມເຊື່ອໝັ້ນທີ່ສູງສຸດນັບແຕ່ຫຼັງສົງຄາມໂລກຄັ້ງທີ II ເປັນຕົ້ນມາ. ຜົນງານທີ່ປະຊາຊົນ ໃຫ້ຄວາມເຊື່ອໝັ້ນແກ່ນາຍົກລັດຖະມົນ ຕີຍິງຄົນນີ້ ສ່ວນຫຼາຍເກີດຈາກຜົນງານໃນ ລະດັບສາກົນ ຊຶ່ງຊາວເຢຍລະມັນຊື່ນຊົມ ທີ່ທ່ານສາມາດສູ້ຢັນ ແລະ ເຈລະຈາກັບນາຍົກລັດຖະມົນຕີຊາຍຂອງປະເທດມະຫາອຳນາດຫຼາຍປະເທດໄດ້ຢ່າງສະເໝີ ພາບ. ນອກຈາກນີ້ ທ່ານຍັງສາມາດກ່າວ ຊັກຊວນ ແລະ ດຶງດູດ ໃຫ້ບັນດາປະເທດ ໃນກຸ່ມ G8 (8 ປະເທດທີ່ມີອຳນາດທາງ ອຸດສາຫະກຳ) ເຫັນດີທີ່ຈະຮ່ວມກັນຫຼຸດ ການຜະລິດທີ່ກໍ່ໃຫ້ເກີດປະລິມານອາຍ ແກດສ໌ກາກບອນ (ທາດເຄມີ) ໃຫ້ຢູ່ໃນ ລະດັບທີ່ໜ້າພໍໃຈ. ລວມທັງຄວາມສາມາດ ຊັກຊວນໃຫ້ບັນດາປະເທດສະມາຊິກສະຫະພາບເອີລົບ (EU) ຕົກລົງ ເຫັນດີກັບ ສົນທິສັນຍາສະບັບໃໝ່ ເພື່ອໃຊ້ແທນລັດ ຖະທຳມະນູນຂອງ EU ທີ່ບໍ່ຜ່ານການລົງ ປະຊາມະຕິໃນປະເທດຝຣັ່ງ ແລະ ເນເທີ ແລນ ກ່ອນໜ້ານີ້.

      ສຳລັບພາລະກິດພາຍໃນ, ການບໍລິຫານປະເທດຂອງລັດຖະບານທ່ານນາງ ແມເຄີ ໄດ້ເຮັດໃຫ້ເສດຖະກິດຟື້ນ ຕົວ ຂຶ້ນມາໄດ້ ດ້ວຍອັດຕາການເຕີບໂຕຂອງຜະລິດຕະພັນລວມຍອດພາຍໃນ (GDP) ລະດັບ 3%, ຕົວເລກການສົ່ງອອກຂອງ ເຢຍລະມັນຍັບຂຶ້ນມາຢູ່ອັນດັບສູງທີ່ສຸດໃນໂລກ ລວມທັງຕົວເລກຂອງຄົນວ່າງ ງານກໍ່ຫຼຸດລົງມາໃນລະດັບຕ່ຳທີ່ສຸດໃນຫຼາຍ ຮອບປີອີກດ້ວຍ.

      ເຖິງແມ່ນວ່າ ທ່ານນາງ ແມເຄີ ຈະເປັນແມ່ຍິງທີ່ມີຖານະຕຳແໜ່ງໃນລະດັບສູງ ແຕ່ການໃຊ້ຊີວິດຂອງທ່ານພັດລຽບ ງ່າຍຕິດດິນ. ເຄີຍມີຄົນເຫັນພາບທີ່ທ່ານ ໄປອອກຕະຫຼາດ ເພື່ອຊື້ເຄື່ອງໃຊ້ໃນຄອບ ຄົວດ້ວຍຕົວເອງ ເໝືອນກັບແມ່ເຮືອນທົ່ວ ໄປ ຫຼັງຈາກທີ່ທ່ານເລີກວຽກແລ້ວທ່ານກໍ ຍັງແບ່ງເວລາເພື່ອປະຕິບັດໜ້າທີ່ແມ່ເຮືອນທີ່ດີໃຫ້ແກ່ຄອບຄົວອີກດ້ວຍ.

      ຈາກການສຶກສາເຖິງປະຫວັດ ແລະ ຜົນງານຂອງ ທ່ານນາຍົກລັດຖະມົນ ຕີຍິງຄົນນີ້ແລ້ວ, ເຮັດໃຫ້ຫຼາຍຄົນບໍ່ແປກ ໃຈເລີຍວ່າ ສິ່ງດັ່ງກ່າວໄດ້ເຮັດໃຫ້ທ່ານ ກາຍເປັນແມ່ຍິງຜູ້ມີອິດທິພົນຂອງໂລກ ຫຼາຍປີຊ້ອນ. ຍ້ອນຄວາມປະພຶດແບບທຳ ມະດາ ແລະ ບໍ່ຫຼູຫຼາຟຸ່ມເຟືອຍໄປຕາມຊື່ສຽງທີ່ໄດ້ຮັບເພາະທ່ານຄິດສະເໝີວ່າຜົນງານຕ່າງໆທີ່ເກີດຈາກຄວາມມຸ່ງໝັ້ນໃນ ການຊ່ວຍເຫຼືອ ແລະ ພັດທະນາປະເທດ ໃຫ້ປະຊາຊົນໄດ້ເຫັນຈະເປັນສິ່ງຢັ້ງຢືນ ເຖິງຄວາມສາມາດທີ່ແທ້ຈິງຂອງນັກການ ເມືອງຜູ້ໜຶ່ງ.

ຂໍ້ມູນຈາກ: www.worldcivil14.blogspot.com

                                                                                                                                                                                                                                                                        ຮຽບຮຽງໂດຍ: ສີວິໄລ