93

ບ້ານໜອງໄຊ ຕັ້ງຢູ່ຫ່າງຈາກເທດສະບານ ເມືອງຊໍາໃຕ້ ໄປທາງທິດຕາເວັນ ຕົກສຽງເໜືອປະມານ 93 ກິໂລແມັດ, ເປັນບ້ານຊົນເຜົ່າມົ້ງ, ປະກອບມີ 34 ຫຼັງຄາ ເຮືອນ, ພົນລະເມືອງທັງໝົດ 314 ຄົນ, ຍິງ 142 ຄົນ ອາຊີບຕົ້ນຕໍແມ່ນເຮັດ ໄຮ່ ເຮັດນາ ອາຊີບສໍາຮອງແມ່ນລ້ຽງສັດ ແລະ ເກັບເຄື່ອງປ່າຂອງດົງ. ເມື່ອກ່ອນບ້ານດັ່ງ ກ່າວເປັນພຽງຄຸ້ມໜຶ່ງຂຶ້ນກັບບ້ານ ໜອງແຮດ, ຕົກມາຮອດ ຕົ້ນປີ 2016 ພັກ-ລັດ ຂັ້ນເທິງໄດ້ເຫັນດີໃຫ້ສ້າງຕັ້ງເປັນບ້ານ ໜອງໄຊສະເພາະ.

      ອິີງໃສ່ບູລິມະສິດຄວາມຕ້ອງການຂອງຊຸມຊົນທີ່ໄດ້ຜ່ານການວາງແຜນນັບແຕ່ຂັ້ນບ້ານ, ກຸ່ມບ້ານ ແລະ ຈົນຮອດຂັ້ນ ເມືອງ ໃນປີ 2017 ຈຶ່ງໄດ້ຕົກລົງເຫັນດີໃຫ້ມີການກໍ່ສ້າງສ້ອມແປງທາງເຂົ້າຫາບ້ານໜອງໄຊ ທີ່ມີຄວາມຍາວ 2,5ກິໂລແມັດ, ຄວາມກວ້າງຂອງໜ້າທາງບ່ອນທີ່ມີຜາ ຫີນຕໍ່າສຸດ ແມ່ນບໍ່ໃຫ້ຫຼຸດ 3 ແມັດ ແລະ ໜ້າດິນທົ່ວໄປແມ່ນໃຫ້ໄດ້ຄວາມກວ້າງ 4 ແມັດ ແລະ ໄດ້ວາງທໍ່ນໍ້າລອດທາງໃສ່ 2 ຈຸດ, ມີມູນຄ່າໃນການກໍ່ສ້າງສ້ອມແປງທັງໝົດ 116 ລ້ານກີບ ໃນນັ້ນໄດ້ຮັບການ ສະໜັບສະໜູນທາງດ້ານງົບປະມານຈາກກອງທຶນຫຼຸດຜ່ອນຄວາມທຸກຍາກ (ທລຍ) ມູນຄ່າ 100 ກວ່າລ້ານກີບ, ຊຸມຊົນປະ ກອບສ່ວນທາງດ້ານແຮງງານ ຄິດເປັນເງິນ 10 ລ້ານກວ່າກີບ. ການກໍ່ສ້າງສ້ອມແປງທາງເຂົ້າຫາບ້ານດັ່ງກ່າວ ໄດ້ເລີ່ມລົງມື ແຕ່ວັນທີ 10 ສິງຫາ-1 ກັນຍາ 2017 ຈຶ່ງ ສໍາເລັດ.

      ຜ່ານການກວດກາຂອງວິຊາການພ້ອມດ້ວຍຄະນະກໍາມະການຄັ້ງນີ້ ມີຜູ້ ຕາງໜ້າຫ້ອງການໂຍທາທິການ ແລະ ຂົນ ສົ່ງຂອງເມືອງ, ຫ້ອງການ ທລຍ ເມືອງ ຊໍາໃຕ້, ທີມງານ ທລຍ ຂັ້ນກຸ່ມບ້ານຫົວ ຊຽງ, ອົງການປົກຄອງຂັ້ນກຸ່ມ, ຂັ້ນບ້ານ ແລະ ພໍ່ແມ່ປະຊາຊົນພາຍໃນບ້ານໜອງ ໄຊ ເຂົ້າຮ່ວມນຳເຫັນວ່າ: ການສ້ອມແປງ ແລະ ວາງທໍ່ນໍ້າລອດທາງໄດ້ເຮັດສໍາ ເລັດ ແລະ ຖືກຕ້ອງຕາມມາດຕະຖານເຕັກນິກ ຄົບຖ້ວນ ແລະ ມີຄວາມໂປ່ງໃສ. ດັ່ງນັ້ນ ໃນຕົ້ນເດືອນ ພະຈິກ ຜ່ານມາ ຄະນະກໍາ ມະການກວດກາ ຈຶ່່ງໄດ້ມອບໂຄງການກໍ່ສ້າງສ້ອມແປງທາງເຂົ້າຫາບ້ານດັ່ງກ່າວ ໃຫ້ແກ່ຊຸມຊົນ ແລະ ອົງການ ປົກຄອງບ້ານ ໜອງໄຊເປັນຜູ້ຊົມໃຊ້ ແລະ ຮ່ວມກັນປົກ ປັກຮັກສາໃຫ້ມີຄວາມຍືນຍົງເກີດຜົນປະ ໂຫຍດສູງສຸດແກ່ຊຸມຊົນ.

                                                                                                                                                                                                                                                                                             ໂດຍ: ທລຍ