Gallerys

ຕອນບ່າຍ ວັນທີ 19 ກັນຍາ 2018 ທ່ານ ນ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ເຮັດວຽກຮ່ວມກັບທ່ານ ນ ແພງ ກັນຍາພິນ ຮອງເລຂາພັກແຂວງ, ຮອງເຈົ້າແຂວງໆຫົວພັນ, ຜູ້ຊີ້ນຳວຽກງານປົກຄອງ, ພ້ອມນີ້ທ່ານປະທານ ສສຍລ ໄດ້ແຈ້ງໃຫ້ຊາບໃນການມາເຄື່ອນໄຫວວຽກງານໃນຄັ້ງນີ້ພ້ອມທັງມອບເຄື່ອງຊ່ວຍເຫລືອບັນເທົາທຸກໃຫ້ກັບພໍ່ແມ່ປະຊາຊົນຜູ້ຖືກຜົນກະທົບຈາກໄພນໍ້າຖ້ວມ ພາຍໃນແຂວງຫົວພັນ. ຫລັງຈາກນັ້ນໄດ້ມອບເງິນສົດ ຈຳນວນ 10.000.000 ກີບ ແລະ ມອບເຄື່ອງ, ເຊິ່ງເຄື່ອງນໍາມາມອບຄັ້ງນີ້ມີ: ເຂົ້າ 5 ໂຕນ, ນໍ້າດື່ມ 500 ແກັດ, ຢາປິ່ນປົວພະຍາດ 150 ກັບ, ເຄື່ອງນຸ່ງຫົ່ມຈຳນວນນຶ່ງ, ເຄື່ອງໃຊ້ປະຈຳວັນ, ເກີບແຕະ ແລະ ເຄື່ອງຄົວເຮືອນລວມມູນຄ່າທັງຫມົດ 100.500.000 ກີບ. ຕາງຫນ້າຮັບໂດຍທ່ານ ນ. ແພງ ກັນຍາພິນ ຮອງເລຂາພັກແຂວງ, ຮອງເຈົ້າແຂວງໆຫົວພັນ ຜູ້ຊີ້ນຳວຽກງານປົກຄອງ. ພິທີມອບເຄື່ອງໄດ້ຈັດຂຶ້ນຢູ່ທີ່ຫ້ອງວ່າການປົກຄອງແຂວງຫົວພັນ.

1024810249102501025110252102531025410255