- Details
- Written by Super User
- Category: Home
- Hits: 334
ວັນທີ 20 ກັຍາ 2018 ທ່ານ ນ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ພ້ອມດ້ວຍຄະນະ, ໄດ້ລົງຕິດຕາມ,ກວດກາ,ຊຸກຍູ້ ການຫ້າງຫາກະກຽມເພື່ອຕ້ອນຮັບຄາລະວານລົດສູ່ເມືອງວຽງໄຊ ແຂວງຫົວພັນ ໃນຕົ້ນເດືອນຕຸລານີ້, ທ່ານປະທານ ສສຍລ ໄດ້ຊີ້ນຳການຈັດລຽງຮູບພາບການເຄື່ອນ ໄຫວແຕ່ລະໄລຍະ, ການຈັດສວນດອກໄມ້ ແລະ ສະຖານທີ່ກຽມຈັດກອງປະຊຸມຄົບຄະນະບໍລິຫານງານ ຄັ້ງທີ 4 ສະໄໝທີ VII, ພ້ອມນີ້ຍັງໄດ້ທ່ຽວຊົມຖໍ້າຂອງບັນທ່ານຜູ້ ນຳ ຢູ່ທີ ເມືອງວຽງໄຊ ແຂວງ ຫົວພັນ.
- Details
- Written by Super User
- Category: Home
- Hits: 282
ຕອນບ່າຍ ວັນທີ 19 ກັນຍາ 2018 ທ່ານ ນ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ເຮັດວຽກຮ່ວມກັບທ່ານ ນ ແພງ ກັນຍາພິນ ຮອງເລຂາພັກແຂວງ, ຮອງເຈົ້າແຂວງໆຫົວພັນ, ຜູ້ຊີ້ນຳວຽກງານປົກຄອງ, ພ້ອມນີ້ທ່ານປະທານ ສສຍລ ໄດ້ແຈ້ງໃຫ້ຊາບໃນການມາເຄື່ອນໄຫວວຽກງານໃນຄັ້ງນີ້ພ້ອມທັງມອບເຄື່ອງຊ່ວຍເຫລືອບັນເທົາທຸກໃຫ້ກັບພໍ່ແມ່ປະຊາຊົນຜູ້ຖືກຜົນກະທົບຈາກໄພນໍ້າຖ້ວມ ພາຍໃນແຂວງຫົວພັນ. ຫລັງຈາກນັ້ນໄດ້ມອບເງິນສົດ ຈຳນວນ 10.000.000 ກີບ ແລະ ມອບເຄື່ອງ, ເຊິ່ງເຄື່ອງນໍາມາມອບຄັ້ງນີ້ມີ: ເຂົ້າ 5 ໂຕນ, ນໍ້າດື່ມ 500 ແກັດ, ຢາປິ່ນປົວພະຍາດ 150 ກັບ, ເຄື່ອງນຸ່ງຫົ່ມຈຳນວນນຶ່ງ, ເຄື່ອງໃຊ້ປະຈຳວັນ, ເກີບແຕະ ແລະ ເຄື່ອງຄົວເຮືອນລວມມູນຄ່າທັງຫມົດ 100.500.000 ກີບ. ຕາງຫນ້າຮັບໂດຍທ່ານ ນ. ແພງ ກັນຍາພິນ ຮອງເລຂາພັກແຂວງ, ຮອງເຈົ້າແຂວງໆຫົວພັນ ຜູ້ຊີ້ນຳວຽກງານປົກຄອງ. ພິທີມອບເຄື່ອງໄດ້ຈັດຂຶ້ນຢູ່ທີ່ຫ້ອງວ່າການປົກຄອງແຂວງຫົວພັນ.
